Kada Emeralds go face Team Kogi for final U18 Girls category wey de go on so inside 2021 President Beach Volleyball Cup for Kaduna.
Kada Emeralds wey shock many many pipu as dem come from 1 set down take beat Golden Spikers I 2-1 (17-21, 21-16, 11-7) inside first semifinals of U18 Girls category, naso Team Kogi come overpower promising Team Sokoto as dem press dem 2-0 (21-16, 21-9) for second semifinals match.
As be so, Team Kogi go face Team Borno for first semifinals of U19 Boys game, den Zamfara go drag am witi Kada Kings for second semifinals.
Inside de women semifinals matches, Nigeria Customs I and Nigeria Customs II go do clash of titans as one broda must go back house as e be, den Hasso Queens go drag witi Team NSCDC to take enta dia first final, which e go hard small as NSCDC na Ogas at de top for volley matta.
Coach of Nigeria Customs Beach Volleyball teams, Sunny Akapson con drop yarnings witi tori pipu say dem come to defend Dia title and also dem get am for mind to still win men category too.
E con add small English say, Nigeria Customs will not underrate any team they meet in Wednesday’s finals.
“We want to retain our women’s title we won at the last edition of the President Beach Volleyball Cup in Kaduna. The teams moral is high and we shall not disappoint the service.
Na e end talk proper witi , “The men’s team is promising and winning the category will be a plus for Nigeria Customs Service because the players we paraded are well respected beach volleyball players in the country,” the former captain of national men’s senior team said.
As e be so, finals of de U18 Girls, U19 Boys, men and women’s categories go start by 4pm today Wednesday.
Make all man carry en face mask appear stadium as e hot de go.
