Super Eagles goalkeeper, John Noble heart down melt as one of en boys wey de look up to am for beta football matta tell am watin touch en heart of hearts sote e cry join.
Enyimba safe hands, Noble wey ask en Kaduna based small goalkeeper, Ajala Junior say watin en want make en dash am afta him waka with de Nigeria team wey jus qualify for AFCON. Maybe make him dash am jersey, shoes, boots, gloves or anytin en want make en just talk am him Noble go do am for am.
Ajala Junior wey de keep for one small area team come shock am. Ajala just knee down say en no want anytin but make Noble use en church mind pray for am, make baba God open beta road for am bcos en dream na to see him keep one day for Enyimba FC and for national team too.
Na so Ajala enta facebook drop yarn say:
“Super Eagle’s🇳🇬 And Enyimba In’t Fc Goalkeeper #JohnNoble Asked me that #Ajala✌ ask me Anything u want me to do for you😮 and I will do it✊….then I get down on my Knees and Say Sir Pray for me🙏🙏??!!! #JohnNoble was Shocked🙆 Tear’s😭in his Eye’s……And he prayed for me Saying Covenant Keeping God🙌pls Give Ajala Jnr Time’s 50 of my Grace⚽💕🙏🙏🙏……I taped from His Grace⚽✊✊✊…I didn’t ask for Money💰,Glove, Boot or Jersey👚Lord I Thank you for Wisdom🙏🙏🙏”.
Diz talk don move many pipu to tears no be only John Noble, but en followers as many people including Queen of Kada City Fc begin pray prayer of blessings for am say en go succeed for diz football matta.
As be now, Ajala don get admission for Lagos State Polytechnic to go read book join ball wey en dey play. All our prayas be say baba God go make en dream come true for am.
