Kano Pillars Futball club don sign ogbonge jollification Memorandum of Understanding (MOU) witi correct private company for inside Kano state wey dem call Aspira Nigeria Limited tili end of NPFL 2020/2021 Futball season.
Diz MOU carry beta package follow body as dem sign say Aspira Nigeria Limited go arrange N10 million give Kano Pillars to helep dia government for diz season.
De club chairman of Kano Pillars Alhaji Surajo Shaaibu come yarn afta dem don sign MOU finish say na diz kind tin dem dey like for de club, atlist dem sef de helep state govament to reduce load wai dem de carry bcos of de club.
Surajo come troway salute for de management of Aspira Nigeria Limited as en listen and still carry support give dem join to take grow de club standard.
E no end dere oo, as de chairman of Aspira Nigeria Limited, Alhaji Ahmed Haruna Zago witi happiness yarn say, diz N10mil wey dem sign for MOU so, say nah beta partnership road for dem as dem give dia assurance say kano pillars no go regret diz mata at all as dem know de importance of Futball for inside Kano state.
Inside de agreement wai dem sign on top paper be say Aspira logo go appear for body of Sai Masu Gida jerseys.