Oga arranger for Heritage Group, Tunde Odulaja wai oyinbo pipu de call Coordinator for de first ijebu half marathon wai dem call “Ijebu Heritage Half Marathon”, don clear all men say diz marathon go change Ijebu from localilo levels to world wide settings wai oyinbo call Global witi de kind ogbonge arrangi wai de ground for de matta presently.
De Oga kpata-kpata of dem all for anytin marathon for Africa baba Bukola Olopade de Chairpesin of Nilayo Sports Management Limited talk am witi mouth last Friday say, “The marathon will create awareness for tourism, health, and fitness as well as commercial value to people around Ijebu.”
For de interview witi tori pipu ,Oga Tunde con try beg de state govament make dem create beta environment so dat de marathon go de successful and sweet witout any wahala. Him come add talk say , “It will be a lot of hard work but truthfully, we also need the government to ensure that we have a good outing and enabling environment with infrastructural development round Ijebu areas is in good stead so that we can showcase our state to the world.”
Baba Tunde con finally close talk witi tori pipu say, “Ijebu should gear up for something new is coming to town and every son and daughter should be part of it.”
As e be so Ijebu heritage half marathon go happen for July 17th, 2021 as all man don clean shoes, slippers and water bottle kip, de wait to run run dat day.
