Party jollof don set for Go-Round players and officials as dem don collect beta giveaway of five hundred thousand naira diz Friday morning as e dey hot .
Bro Felix Obuah wey nah him be de E-money of de club, declare for all men as belle swit am reach, as Go-Round waka go waya Dynamite FC 2 kondo straight for dia home for inside Benin City. De 2-0 sharply activate plenti joy for en heart of hearts, sote en jus flash dem 500k as e de hot, con also pay dem dia bonuses Instanta as dem win Dyna boys.
Go-Round go drag am witi dia senior bros Rivers United today for Aiteo Cup. Bro Felix don promise dem say if dem win Rivers United en go give Ogbonge surprise wey go shock dia village people join.
As matta stand so Coach Ngozi Elechi boys don ready to show Rivers United say dem stand gidigba no shakings.