De 9 times Ogbonge African women champions Super Falcons of Naija don kick off Turkish Women’s Cup Competition witi beta winning as dem finish CSKA Moscow for dia first game.
De game wai end 1-0 for Super Falcons favour, as Francisca Ordega aka Franny Baby cross beta ball come reach Chinwendu Ihezuo wai position well to collect am, Naso Ihezuo tearam straight inside net for 18 minutes Sote CSKA Moscow goala weak for de goal.
Na so de women side of Super Eagles captain Ahmed Musa former club side CSKA Moscow run Upandan Sote Sote 90 minutes con reach, referee shapaly blow whistle end game, na so Naija Falcons take collect dia tiri ponkwe arrange put for table.
Next match nah Super Falcons go face am out witi Uzbekistan women diz Saturday around 5pm for evening , we de sure say our Naija sabi babes go arrange anoda win give us make we for de smile de go for diz competition.
Make we no forget say diz ogbonge competition wai de go on so, na only 4 teams de play am and e go end for 25 February for Antalya for inside turkey .