Yawa don gas oo Laslas, as League Management Company (LMC) don nack Heartland Football Club of Owerri beta kondo for head for wearing scam jersey for Matchday 9 .
Make we no forget say na for Matchday 9 de mata cast for dem wen broke Nazi millionaires get mind use jersey wai no get name and numba take play MFM for Agege Stadium Sote win Olukoya pikins den 2-1 chaii!! .
Na so LMC monitoring spirits con catch Heartland witi photo evidence as dem break NPFL Framework & Rules bcos playas shirts & nikas wai no carry numbas, no dia papa names,no club name and logo patapata wai eyes go tak know say tru tru nah Heartland FC de play de match.
LMC rush carry dia book of law wai de bring money for dem say dem don breach Rules” B9.7-8 for non-display of name and number on kits and B9.26 for wearing unregistered kits of the NPFL Framework and Rules.”
Na so LMC fess do test de microphone hamma broke Nazi Millionaires N100k say dis one na fix penalty wai abeg no fit change am, LMC still con do Nazi boys strong tin still Hamma dem N1 milla(N1million) join for breaching and scattering of NPFL Framework wai de leg don de shake taitai .
LMC Laslas don give Heartland 48 hours to come appeal de sanction wai dem Hamma dem weda dem go hav small mercy on dem or make dem just arrange dia 1.1million kip jejely to tak repair de framework wai dem damage.
