Super Eagles skillful forward Moses Simon wai de play for FC Nantes inside senior men league wai dem call French Ligue 1 inside Ogbodo France , Don show say him nah confirm world class player, as him pepper almighty PSG witi goal wai sweet like hanty Molade hot ofada sauce.
Simon team FC Nantes wai use dia strong mind like pipu wai shak fearless energy drink come choke PSG for dia house. De game wai tite pass Oshodi slay mamas leda leggins for de two teams as dem no wan gree for eachoda ,tili de tin con red for PSG na so tiri point leave PSG House come con Sidon well for Fc Nantes hand as Match end 2-1 for dia Simon favour.
PSG just de flenjo go as dia Draxler score Nantes for inside 42mins of first half, Naso game continue as PSG de form ball possession before dem know am Fc Nantes player Kolo Muani come shake Dia net witi beta equalizer for 59mins inside second half.
PSG wai de form Baba of dem all begin sweat for inside foreign harmattan as game balance 1-1 for inside 59mins of play.
As de game hot de go like maiyango pepper, naso one beta pass from Simon team enta for simon, Naso en put all en power tear de ball straight inside net for 71mins take pushu Nantes take grab tiri ponkwe.
PSG do tiya even nah draw soup dem go manage bcos atal-atal na him bad pass, but still PSG still collect certificate of ‘ We humble una’ for Fc Nantes hands as dem still loose de game to Nantes for Dia home.