Head Coachito of Akwa United, Kennedy Boboye don talk say Match-Day 27 of de Nigeria Professional Football League Fixture suppose make dem show am for TV as nah very big match.
De Coachy wey don work for Sunshine Stars, Plateau United and Abia Warriors before clear tori pipu for inside interview, as dem jam for am Portharcourt game between Rivers United and Kano Pillars.
Coachy drop yarns say “It is a big match, the two teams are first and second so I expect the game to be on live TV.”
Make we remember say Promise Keepers go back on top NPFL table as dem flog Heartland 3-1 diz Thursday wey just pass inside Uyo to take climb table back.
De former Aiteo Cup Champions Sidon kampe witi 49 sweet ponkwe for now as Sai Masu Gida Boys de follow dem witi one point difference for back, as e be so this weekend go hot pass Cameroon pepper wey dem de use smoke bush rat comot for hole for inside ABS Stadium for Kaduna.